Туленбекова Мархаба Кенжегалиевна

Туленбекова Мархаба Кенжегалиевна 31.05.1967 жылы туылған. Қазақ қыздар педагогикалық  институтын  «Мектеп жасына дейінгі балалар педагогикасы мен психология мұғалімі, тәрбиеші» мамандығы бойынша үздік дипломмен  аяқтаған.

Туленбекова М.К.  35 жылдан астам  педагогикалық өтілі бар тәжірибелі  маман. Өзінің еңбек жолын 1985 жылы Қостанай облысы Рудный қаласында тәрбиеші қызметінен бастаған. Институттан кейін Целиноград (Астана) қаласындағы педагогиқалық училищеде психология пәнінен сабақ беріп, жанұя жағдайымен Алматы қаласына келіп, Алмалы ауданы №208 (11 балабақша) балабақшасында 2008 жылға дейін тәрбиеші болып жұмыс істеген.

2008-2012 жылдары Алмалы ауданы №41 балабақшада, әдіскер, 2012-2015 жылдары меңгеруші қызметін атқарды.   

2017 жылы мамыр айында КМҚК №115 бөбекжай – балабақшасында меңгерушінің қызметіне тағайындалды. 

Қызмет атқарған барлық  жұмыс орындарында  Мархаба Кенжегалиевна өзін білікті маман ретінде көрсете білді.  

Туленбекова М.К. ұйымдастырушылық және басқарушылық қабілеттерімен ата-аналар мен ұжымның алдында беделді басшыға айналды. Тәжрибелі ұстаз ретінде  жас мамандардан көмегін аямай, кәсіби өсулеріне көмектесті. 

Туленбекова М.К. басшылық еткен балабақша ұжымдары аудан, қала көлемінде өтілетін іс-шараларға жие қатысып отырды.                 

Туленбекова М.К. еңбегі еленіп Алмалы ауданының Әкімінін, Алмалы ауданы«Нұр Отан» партиясының, Алматы қаласы Білім беру жүйесі мамандарының біліктілігін көтеру және қайта даярлау институтының құрмет грамоталарымен марапатталған.