Қанатыңды кең серпі!

Алматы қаласында 2017 жылдың 29 қаңтар 8 ақпан аралығында өтетін «28-ші Дүниежүзілік Қысқы Универсияда – 2017» қатысатын спортшыларды қолдау мақсатында Алматы қаласы Медеу ауданы МКҚК «№116 бөбекжай-балабақшасы» 25 қаңтар күні сағат 10-да «Қанатыңды кең серпі!» тақырыбы аясында спорттық мереке өткізді.
Мектепке дейінгі тәрбие мен білім беру мекемесінде өткізілген спорттық іс-шараға есімі елімізге танымал, Қазақстан халқының мақтаныштары 2000 жылғы Сидней олимпиядасының алтын жүлдегері боксшы Ермахан Ибраимов, 2000 жылғы Сидней олимпиядасының (еркін күрес) күміс жүлдегері Ислам Байрамуков мейман ретінде қатысты.
Кіші Қысқы Универсиада – 2017 мақсаты: спорттың биік шыңын бағындырған айтулы тұлғалармен кездесу барысында балалардың спортқа деген қызығушылығын арттыру, салауатты өмір салты дағдыларын қалыптастыру, табандылыққа, тұрақтылыққа және женіске деген ұмтылысқа тәрбиелеу. Бүгінгі жас спортшылар, ертеңгі – халықаралық жарыстардың болашақ чемпиондары.
Жарыс барысында бөбекжай-балабақшасының ересектер топтарының тәрбиеленушілері өздері меңгерген спорт түрлерінен (спорттық эстафета) өнер көрсетті. Балалардың барлығы эстафеталық жарыстарда бір кісідей ат салысты. Өз қүштерін , ептіліктерін және шыдамдылықтарын көрсете білді. Жанкүйерлерде сыртта қалып қойған жоқ олар өз командаларына қолдау көрсетіп , дайындаған музыкалық нөмірлерімен шықты.Мысылы: ересектер «Қарлығаш» тобының қыздары Максим Мрвенко «Рапсодия» әуеніне лентамен жаттығулар жасаса, ал ересектер «Бәйтерек» тобының ер балалары «Мен қазақтың баласымын» әуеніне би орындады. Мереке соңында балабақша педагогтары мен балалар бірге Г. Жотаеваның «Қазақстаным отаным» әнін шырқады. Балабақшамызда «Универсиада бала мен ата-ана көзімен» тақырыбында көрме ұйымдастырылды.
Балалар жарысқа жақсы көңіл күймен қатысып, өздеріне тиесілі жүлделерін алды. Олимпиада жүлдегері Байрамуков Ислам балаларды құттықтап, медальдармен марапаттады.